EAEO aýmaǵynda tońazytqyshtar men muzdatqyshtar aınalymy baqylaýǵa alynady
Qazaqstan Respýblıkasy Qarjy mınıstrliginiń Memlekettik kirister komıteti 2022 jylǵy 1 shildeden bastap Eýrazııalyq ekonomıkalyq odaq aýmaǵynda 2023 jylǵy 31 naýryzdy aıaqtaý merzimimen qadaǵalap otyrý tetigin engizý jónindegi pılottyq joba iske qosylatynyn habarlady.
Pılottyq joba sheńberinde qadaǵalaý júzege asyrylatyn taýarlar tizbesine Syrtqy ekonomıkalyq qyzmettiń taýar nomenklatýrasynyń 11 kody (turmystyq tońazytqyshtar men muzdatqyshtar) engizildi.
Sonymen qatar, 2022 jylǵy 1 shildede Eýrazııalyq ekonomıkalyq odaqtyń kedendik aýmaǵynda is júzinde bolatyn qadaǵalaýǵa jatatyn taýarlar jáne osyndaı taýarlardyń aınalymymen baılanysty operatsııalar týraly málimetter pılottyq jobany iske asyrý bastalǵan kúnnen bastap bir aı ishinde elektrondyq shot-faktýralardyń aqparattyq júıisine engizilýge jatady.
Elektrondyq shot-faktýralardyń aqparattyq júıesinde mundaı málimetter bolmaǵan kezde bir múshe memlekettiń aýmaǵynan Eýrazııalyq ekonomıkalyq odaqqa ekinshi múshe memlekettiń aýmaǵyna ótkizýge jol berilmeıdi.
«Joǵaryda kórsetilgen taýarlar tizbesi Eýrazııalyq ekonomıkalyq komıssııa Keńesiniń 2022 jylǵy 21 qańtardaǵy № 2 sheshimimen bekitilgen. Bul sheshimmen myna silteme boıynsha tanysýǵa bolady»,-delingen habarlamada.
Osyǵan deıin EAEO aıasynda ımporttyq keden bajy burynǵydaı AQSh dollarymen alynatyny habarlanǵan bolatyn.