EAEO aýmaǵynda elektrondy PTS júıesine kóshý sharasy 2021 jylǵa qaldy

MÁSKEÝ. QazAqparat – EEK alqasy kólik quraldarynyń elektrondy pasport júıesine kóshý sharasyn 2021 jyldyń 31 naýryzyna qaldyrdy, dep habarlaıdy «QazAqparat» HAA-niń Máskeýdegi menshikti tilshisi.

Komıssııanyń baspasóz qyzmetiniń habarlaýynsha, bul sheshim Eýrazııalyq ekonomıkalyq odaqtyń Belarýs, Qazaqstan jáne Reseı sııaqty úsh múshesine qatysty.

Aıta keteıik, osyǵan deıin EAEO elderi kólik quraldarynyń elektrony pasport júıesine kóshý sharasyn 2019 jyldyń qarashasyna josparlanǵan bolatyn. Kólik quralynyń biryńǵaı formasyn engizý týraly kelisimge 2014 jyldyń 15 tamyzynda Qazaqstan, Belarýs, Reseı memleketteri qol qoıyp, keıinirek oǵan Armenııa men Qyrǵyzstan qosyldy.

Al Reseıde jańa júıege kóshý jumystary is júzinde aıaqtalýǵa taıaý. EAEO elderinde shyqqan kólik quraldary 2 qarashadan bastap, Reseıde memlekettik tirkeýden ótetin kezde elektrondy PTS júıesine qosylǵan bolýy kerek.

Elektrondy PTS degenimiz kólik quraly týraly barlyq málimetter jınaqtalǵan keshendi qujat.

Elektrondy PTS júıesine tolyqqandy qosylý memleketterdiń aýmaǵynda erkin júrýine, azamattardyń kólikterin tirkeýine qolaıly jaǵdaı týdyryp, júıege qatysýshylardyń tehnıkasynyń jaǵdaıyn baqylap otyrýǵa, al EAEO keńistigindegi memlekettik organdardyń biryńǵaı júıedegi naqtylanǵan málimetter bazasyn qoldanýǵa múmkindik beredi.

Narymbek Ysmaǵulov