«E-tutynushy» portaly memorgandardyń aqparattyq júıelerimen ıntegratsııalanady

NUR-SULTAN. QazAqparat – QR Premer-Mınıstri Asqar Mamın tutynýshylardyń quqyǵyn qorǵaý máselesi boıynsha memlekettik organdarǵa birneshe tapsyrma berdi, dep habarlaıdy QazAqparat tilshisi.

«Birinshi. Internet-saýda salasynda tutynýshylar quqyqtarynyń buzylýyna jol bermeý úshin Saýda mınıstrligine múddeli memlekettik organdarmen jáne uıymdarmen birlesip, bıylǵy jyldyń sońyna deıin elektrondyq saýda segmentinde quqyqtyq retteýdi jetildirý boıynsha usynystar engizýdi tapsyramyn.

Ekinshi. Azamattardyń ótinishterin júıege keltirý jáne memlekettik organdar tarapynan jedel den qoıý úshin «e-tutynushy» júıesin birqatar memlekettik organdardyń aqparattyq júıelerimen ıntegratsııalaý qajet», - degen Asqar Mamın bul mindetti 2022 jyldyń birinshi jartyjyldyǵynda oryndaýdy tapsyrdy.

«Úshinshi. Qarjylyq qyzmetterdi tutynýshylardyń quqyqtaryn qorǵaý jáne qarjylyq saýattylyq máselelerinde úlken áleýmettik baǵdarlaný bar.

Osyǵan baılanysty Aqparat jáne qoǵamdyq damý mınıstrligi Saýda mınıstrligimen, Qarjy naryǵyn retteý jáne damytý agenttigimen jáne ákimdiktermen birlesip, atalǵan taqyryp boıynsha halyqtyń habardar bolý jumysyn kúsheıtkeni jón. Sondaı-aq osy máseleni 2022 jylǵa arnalǵan memlekettik aqparattyq saıasat sheńberinde pysyqtaý kerek», - dedi Úkimet basshysy.