E.Sultanov: Bıyl soltústikqazaqstandyq sportshylar respýblıkalyq jáne halyqaralyq jarystarda 400 medal jeńip aldy
«Buqaralyq sportty damytý úshin eń aldymen qoljetimdi sport obektileri sanyn ulǵaıtý qajet. Bıylǵy jyldyń ózinde ǵana bıýdjetten tys 15 shaǵyn fýtbol alańy ashyldy. Budan basqa Petropavl qalasynda muz alańy men jeńil atletıka maneji bar sport saraıynyń qurylysy júrgizilýde, aldaǵy ýaqytta bul sport saraıyna bizdiń dańqty jerlesimiz - olımpıada chempıony Aleksandr Vınokýrovtyń esimi beriletin bolady», - dedi ol.
Oblys basshysynyń atap ótýinshe, budan bólek aýdandarda 3 dene shynyqtyrý kesheni men jabyq basseınniń qurylysy aıaqtalýǵa jaqyn. Qys aılarynda oblys kóleminde sportpen shuǵyldaný úshin 300 hokkeı korty ashylyp, qalpyna keltirilýde.
«Osyndaı júıeli jumystyń arqasynda 353 sportshymyz ulttyq quramaǵa kirdi. Bıyl sportshylarymyz respýblıkalyq jáne halyqaralyq jarystarda 400 medal jeńip aldy. Oblysta dene shynyqtyrýmen 150 myńǵa jýyq adam shuǵyldanady, bul oblys turǵyndarynyń 26 paıyzyn quraıdy», - dedi E.Sultanov.
Sonymen qatar ol 2020 jylǵa qaraı turǵyndardyń 30 paıyzyn júıeli túrde sportpen shuǵyldanýǵa tartý týraly Prezıdent tapsyrmasyn tolyq oryndaıtyndyqtaryn basa aıtty.