E. Sýhanberdıeva QR Bilim jáne ǵylym vıtse-mınıstri bolyp taǵaıyndaldy

ASTANA. QazAqparat - Búgin Bilim jáne ǵylym mınıstri Erlan Saǵadıev mınıstrlik ujymyna jańa vıtse-mınıstr Sýhanberdıeva Elmıra Amangeldiqyzyn tanystyrdy.

Sýhanberdıeva Elmıra Amangeldiqyzy 1971 jyly Atyraý oblysynda dúnıege kelgen. 1995 jyly ál-Farabı atyndaǵy Qazaq ulttyq ýnıversıtetiniń tarıh fakýltetin, 2006 jyly Halyqaralyq eńbek akademııasyn «zańger bakalavry» mamandyǵy boıynsha, 2009 jyly Halyqaralyq bıznes akademııasyn (MVA) «Іskerlik ákimshilendirý magıstri» mamandyǵy boıynsha bitirgen. 2013 jyldan 2016 jylǵy sáýir aıy aralyǵynda Astana qalasy bilim basqarmasynyń basshysy qyzmetinde bolǵan.

Astana jáne Almaty qalalary ákimderiniń, «Daryn» respýblıkalyq ǵylymı-praktıkalyq ortalyǵynyń alǵys hattarymen, «Y.Altynsarın» atyndaǵy belgimen, «Eren eńbegi úshin», «Qazaqstan halqy Assambleıasyna 20 jyl», «Qazaqstan Respýblıkasynyń Konstıtýtsııasyna 20 jyl» mereıtoılyq medaldarymen marapattalǵan.