E-SHANYRAQ: Kóppáterli úıler aı saıyn 11 mln teńge únemdeıdi

ASTANA. QazAqparat - QR Indýstrııa jáne ınfraqurylymdyq damý mınıstri Jeńis Qasymbek E-SHANYRAQ jobasy aıasynda únemdelgen qarajattyń somasyn atady, dep xabarlaıdy QazAqparat tilshisi.

Mınıstrdiń aıtýynsha, ótken jyldyń sońynda turǵyn úı-kommýnaldyq sharýashylyq salasynyń biryńǵaı aqparattyq júıesi pılottyq rejámde iske qosylǵan bolatyn. Oǵan 5 217 kóppáterli turǵyn úıdiń elektrondy texnıkalyq pasporty engizildi. Budan bólek, 5 767 túrli esepteý quraldary qosyldy.

«Pılottyq 166 turǵyn úıdiń 58-i jalpyúılik eseptegishtermen jabdyqtaldy jáne eseptik aqparatty júıege joldaıdy. Búginde jylý úshin tólemniń 41 protsentke tómendegeni baıqalady. Jeltoqsan aıynda 58 kóppáterli turǵyn úıdiń ortasha ekonomıkalyq tıimdiligi 11 mıllıon teńgeden asty. Al, jylytý maýsymynyń sońynda 44 mıllıon teńge únemdeledi dep kútilýde», - dedi J.Qasymbek Úkimettiń búgingi otyrysynda.

Aıta keteıik, otyrys barysynda J.Qasymbek 4 protsenttik avtonesıe baǵdarlamasyna qosymsha qarjy bólý týraly qaýlyny tanystyrdy. Budan bólek, Turǵyn úı qurylys jınaq bankiniń «5-20-25» shartymen beriletin ıpotekasyna qosymsha qarjy bólý týraly sheshim qabyldandy.