E.Saǵadıev: 3 jylda orys mektebindegi 500 myń balany qazaqsha sóıletemin
«Úsh tildilik máselesin kótersek, aldymen aǵylshyn tili shyǵa keledi. Bul teris. Úsh tildilik - ol eń aldymen qazaq tili týraly baǵdarlama. Taǵy da atap aıtamyn, úsh tildilik - eń aldymen qazaq tiline nazar salady. Qazaq tiliniń jaǵdaıy qazir jaman emes... Qazir oqýshylardyń 70 paıyzy qazaq tilinde oqıdy. Bıyl Biryńǵaı ulttyq test tapsyrǵan oqýshylardyń 72 paıyzy synaqty qazaq tilinde tapsyrdy. Nazarbaev zııatkerlik mektepteri grantynyń 70 paıyzyn qazaq tiline bóldi. Sondyqtan, jaǵdaıymyz jaman emes»,-deıdi mınıstr.
Biraq, Bilim jáne ǵylym mınıstrin mazalaıtyn bir másele bar eken. Ol - orys mektepterinde oqyp júrgen bes júz myń balanyń til taǵdyry.
«Biraq, problema qandaı? Qazir orys mektepterinde oqıtyn bes júz myń bala qazaqsha sóılemeıdi. Sondyqtan, mınıstrliktiń aldyndaǵy eń joǵarǵy maqsat 3-4 jylda bes júz myń balany qalaı qazaqsha sóıletemiz degen másele. Olar qazaqsha sóıleý kerek qoı. Túsinip otyrmyz, oqytý ádistemesi durys emes. Eń aldymen durys ádisteme jasaý kerek. Úsh-tórt zııatkerlik ınstıtýt jınalyp, ádistemeni daıyndap jatyr. Osy ádisteme daıyn bolsa, 2017 jyldan bastap orys mektepterinde qazaq tilinde ótetin sabaqtar ózgere bastaıdy. Eń aldymen, durys ádisteme kerek. Zamanaýı ǵylymı negizde jasalǵan, kompıýterlik modeldeýden ótken alty aıda til úıretetin ádisteme jasap jatyrmyz. Úsh jyldyń ishinde balalardyń barlyǵy qazaqsha sóıleıdi. Men oǵan senip otyrmyn», - dedi mınıstr E.Saǵadıev.