«E-Preventsııa» arnaıy qosymshasy engiziledi – Bas prokýror

<p>Elimizde &laquo;E-Preventsııa&raquo; arnaıy qosymshasy engiziledi. Bul týraly Bas prokýror Berik Asylovtyń Májilis depýtattary saýalyna bergen jaýabynda aıtylǵan, dep habarlaıdy <a href="https://kaz.inform.kz/search_results/?q=%D0%91%D0%B0%D1%81+%D0%BF%D1%80%D0%BE%D0%BA%D1%83%D1%80%D0%BE%D1%80" target="_blank" rel="noopener">QazAqparat</a> tilshisi.</p>

«Alkogolge jəne esirtkige təýeldi adamdardy esepke alý jəne medıtsınalyq-əleýmettik ońaltý ambýlatorııalyq deńgeıde 77 bastapqy psıhıkalyq densaýlyq ortalyǵynda jəne aýyldaǵy 205 psıhıkalyq densaýlyq kabınetinde júzege asyrylady. Statsıonarlyq kómek óńirlik psıhıkalyq densaýlyq ortalyqtarynda kórsetiledi. Esepke alynǵan adamdar jasaǵan qylmystar (osy jyldyń basynan bastap 4 myńnan astam qylmys qaıta jasaldy) qoǵamdyq rezonans týdyrady. Osy baǵytta búgin biz «E-Preventsııa» arnaıy qosymshasyn engizý boıynsha jumys istep jatyrmyz», - dedi Berik Asylov jaýabynda.

Onyń atap ótýinshe, atalǵan qosymsha probatsııa qyzmetteri men fýnktsııalary esepke alynǵandar kontıngentin baqylaýmen baılanysty ýəkiletti organdar jumysynyń tıimdiligin arttyrýǵa arnalǵan.

«Bul júıe jumystaǵy, onyń ishinde kəmeletke tolmaǵandar arasyndaǵy jəne olarǵa qarsy quqyq buzýshylyqtardyń aldyn alý məselelerindegi formalızmdi joqqa shyǵarýǵa múmkindik beredi», - dedi Bas prokýror.

Aıta keteıik, probatsııa qyzmeti esebinde 29 myńnan astam sottalǵan adam tur.