«E-Otinish» ótinishterdi bir tereze qaǵıdatymen qabyldaıdy

NUR-SULTAN. QazAqparat – «E-Otinish» ótinishterdi bir tereze qaǵıdatymen qabyldaıdy. Bul týraly Strategııalyq josparlaý jáne reformalar agenttigi tóraǵasynyń orynbasary Aıgúl Shaıymova aıtty, dep habarlaıdy QazAqparat tilshisi.

«Bıyl biz E-Otinish aqparattyq júıesin iske qosyp,azamattarmen ózara is-qımyldyń jańa formatyna kóshtik. Biraq, ony áli de pysyqtaý qajettigin baıqadyq. Sondyqtan da endigi ýaqytta ol ótinishterdiń barlyq túrin qabyldaý úshin bir tereze retinde transformatsııalanatyn bolady», - dedi ol Ortalyq kommýnıkatsııalar qyzmetindegi baspasóz máslıhatynda.

Agenttik tóraǵasynyń atap ótýinshe, Prezıdent Jarlyǵynda qaǵaz satyp alýdy jáne onymen baılanysty shyǵystardy qysqartý qajettiligi aıtylǵan. Bul rette atalǵan shyǵyndar úsh ese qysqaratyn bolady.

«Tolyqtaı alǵanda, Jarlyqta kózdelgen is-sharalar memlekettik organdardy qaǵazsyz ortany qamtamasyz etýge yntalandyrady jáne ózara is-qımyldyń tsıfrlyq formatyna basymdyq beredi», - dedi Aıgúl Shaıymova.