E-otinish elektrondyq saıty jumys istemeı tur

<p>ASTANA. KAZINFORM &ndash; E-otinish elektrondyq saıtynyń eki kúnnen beri jumys istemeı qalýyna &ndash; tehnıkalyq aqaýlar sebep.</p>

«Ulttyq aqparattyq tehnologııalar» AQ habarlaýynsha, qazir qalpyna keltirý jumystary júrgizilip jatyr. Biraq ázirge qaı ýaqytta iske qosylatyny belgisiz. «Ádette tehnıkalyq jumystar demalys kúnderi túnde júrgiziledi. Biraq tehnıkalyq aqaýlardyń saldarynan saıt jumys istemeı tur. Mamandar saıttyń jumysyn qalpyna keltirý úshin bar kúshin salýda», - deıdi «Ulttyq aqparattyq tehnologııalar» AQ baspasóz hatshysy Jaınagúl Seıdahmetova.

Aıta keteıik, «Ulttyq aqparattyq tehnologııalar» AQ «elektrondyq úkimettiń» aqparattyq-kommýnıkatsııalyq ınfraqurylymynyń, jasandy ıntellektiniń jáne memlekettik organdardyń biryńǵaı kólik júıesiniń operatory. Sondaı-aq ortalyq jáne óńirlik memlekettik organdardyń aqparattyq júıelerine tehnıkalyq qyzmet kórsetýdi júzege asyrady.

 

Asylbek Toıbek