E-Otinish azamattardyń aryz-tilegin qabyldaıtyn «bir terezege» aınalady

NUR-SULTAN. QazAqparat – «E-Otinish» júıesi jeke jáne zańdy tulǵalardyń aryz-tilekteriniń barlyq túrlerin «bir tereze» qaǵıdaty boıynsha qabyldaıtyn ınstıtýtqa aınalady, dep habarlaıdy QazAqparat tilshisi.

Prezıdenttiń búgin qol qoıǵan «Memlekettik apparattyń qyzmetin bıýrokratııadan aryltý jónindegi sharalar týraly» Jarlyǵynda osyndaı meje qoıylyp otyr.

«Kúntizbelik jyl ishinde «E-Otinish» júıesin jeke jáne zańdy tulǵalar joldanymdarynyń barlyq túrlerin qabyldaý úshin «bir tereze» retinde ınstıtýtsııalandyrýdy qamtamasyz etsin», - dep jazylǵan qujatta.

Sonymen qatar, QR Memlekettik qyzmet isteri agenttigine Úkimetpen birlesip jyl saıyn memlekettik qyzmetshiler arasynda memlekettik apparat qyzmetin jetildirý jónindegi úzdik jobaǵa arnalǵan konkýrsty ótkizý júktelgen.

«Memlekettik qyzmettiń jaı-kúıin monıtorıngteý jáne memlekettik qyzmetterdi kórsetý sapasyn qoǵamdyq monıtorıngteý rásimderi sheńberinde jyl saıyn bıýrokratııadan aryltý jónindegi suraý salý júrgizý qamtamasyz etilsin»,- delingen Jarlyqta.

Eske salsaq, búgin Prezıdent memlekettik apparattyń jumysyn bıýrokratııadan aryltý týraly Jarlyqqa qol qoıdy.