E-learning baǵdarlamasyna bólingen mıllıardtaǵan qarjy qaıda jumsaldy
«Búgin birqatar BAQ pen áleýmettik jelide e-learning baǵdarlamasyn qarjylandyrý máselesi kóterildi. Baǵdarlamany qarjylandyrýǵa 2010-2013 jyldar aralyǵynda qarjy bólingen edi. Al 2016 jyldan bastap baǵdarlamany qarjylandyrý tolyǵymen toqtatyldy. Bıýdjetten shamamen 36 mlrd teńge jumsaldy. Onyń 28 mlrd teńgesin qural-jabdyqtarǵa, ıaǵnı ınteraktıvti taqta, serverlik jabdyqqa jumsalǵan shyǵyndar quraıdy. Olar paıdalanyldy jáne qazirde paıdalanylyp jatyr. Esep komıteti tekserý júrgizip, qorytyndysynda qarajatty maqsatsyz paıdalaný faktilerine qatysty usynym berdi», - dedi ol búgin Ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, bilim berý júıesin avtomattandyrýmen baılanysty tapsyrmalardy sheshý úshin shamamen 27 mlrd teńge jumsalǵan. Atalǵan qarajatqa eń aldymen, aýyl mektepterine kompıýterler satyp alynyp, jergilikti atqarýshy organdarǵa bólingen.
«Sonymen qatar tsıfrlyq bilim berý resýrstarynyń qoljetimdiligi qamtamasyz etilip, atalǵan transfertter aıasynda jalpy bilim berý mektepterdiń ınternetke qosylýy júzege asyryldy. Jalpy qashyqtan oqytýǵa qatysty aıtar bolsam, 4-toqsannyń qorytyndysy boıynsha bul maqsatqa respýblıkalyq bıýdjetten de, jergilikti bıýdjetten de qosymsha qarjy bólingen joq. Barlyǵy jergilikti atqarýshy organdardyń kúshimen jáne múmkindigimen júzege asyryldy. Buǵan deıin mınıstr aıtqandaı, bilim berý protsesinde paıdalanylǵan 3 myńnan astam sabaq tegin jaryq kórdi. Qazirgi ýaqytta qoldanystaǵy resýrstardyń barlyǵy da tegin ázirlengen», - dedi Bıbigúl Asylova.