«E-qurylys» júıesi turǵyn úı baǵasyn qalaı retteıdi

NUR-SULTAN. QazAqparat – Qurylys jáne turǵyn úı-kommýaldyq sharýashylyq ister komıteti tóraǵasynyń orynbasary Almaz Ydyrysov budan bylaı qurylystyń sapasy men baǵasy qalaı retteletinin túsindirdi, dep habarlaıdy QazAqparat tilshisi.

Indýstrııa jáne fınraqurylymdyq damý mınıstrliginiń baspasóz qyzmeti usynǵan málimet boıynsha, vedomstvo qoǵam tarapynan qurylystyń sapasyna aıtylatyn syndardy eskere otyryp, salany tsıfrlandyrýdy qolǵa alyp otyr.

«Qoǵamda «ǵımarattardy salý 100 paıyz tehnologııany saqtap, normatvıkterge saı júrgizilmeıdi», «qurylys maerıaldarynyń sapasy baqylanbaıdy» degen syn bar. Al tsıfrlandyrý osyndaı táýekelderdi azaıtady», - dep jazylǵan mınıstrliktiń málimetinde. Sonyń aıasynda «E-Qurylys» júıesi iske qosylmaqshy

Almaz Ydyrysovtyń aıtýynsha, «E-qurylys» jobasynyń ózi jobalyq-smetalyq qujattan turady.

«Eń birinshi ol jerge saraptamadan ótken jobalyq smeta engiziledi. Bul júıe birinshi memlekettik nysandarda tekseristen ótedi. Ol jerde jalpy qurylys smetasynyń shekti quny kórsetilgendikten, júıe baǵany asyrýǵa jol bermeıdi. Mysaly, temirbeton qunyn smetalyq qujatta bir baǵamen kórsetip, tólegen kezde basqa baǵany qoldanýǵa júıe ruqsat etpeıdi. E-qurylys júıesi barlyq protsesterdi tsıfrlandyrýǵa múmkindik beredi. Tehnologııalyq júıelilikti saqtaı otyryp, normatıvtik qujattarda kórsetilgen tártipti qamtamasyz etedi», -deıdi komıteti ókili.

Eske salsaq, QR Indýstrııa jáne ınfraqurylymdyq damý mınıstri Qaıyrbek Óskenbaev Úkimet otyrysynda turǵyn úıdiń qymbattaýyna jol bermeý baǵytyndaǵy úsh baǵytta jumys júrip jatqatqanyn aıtqan bolatyn. Sonyń biri – osy E-qurylys júıesi.