E.Qanaǵatov: Elimizde qosymsha balalar men jasóspirimder sport mektepterin ashý qajet

ASTANA. QazAqparat - Elimizde qosymsha balalar men jasóspirimder sport mektepterin ashý qajet. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken 17-shi Azııa oıyndarynyń qorytyndysyna arnalǵan brıfıngte QR MSM Sport jáne dene shynyqtyrý isteri komıtetiniń tóraǵasy Elsııar Qanaǵatov málim etti.

Brıfıng barysynda Qazaqstan quramasy óz tarıhynda alǵash ret Azıada oıyndarynda 28 altyn enshilegendigin basa aıtqan ol: «Bizdiń jeńimpazdarymyzǵa qarap, balalar men jasóspirimder sportpen aınalysýǵa umtylatyn bolady. Al olardyń sportpen aınalysýyna múmkindik jasaý úshin qosymsha balalar men jasóspirimder sport mektebin ashý qajet», - dedi.

Sonymen qatar Elsııar Qanaǵatov búgingi tańdaǵy komıtettiń basty mindeti sportshylardy daıyndaýǵa biliktiligi joǵary mamandardy tartý máselesi bolyp otyrǵandyǵyn basa aıtty.