E-hr júıesinde 27 myńnan astam jumys berýshi tirkelgen
«Jumys berýshilerdiń E-hr júıesine qatysýy erikti túrde bolady. Qazirgi ýaqytta tartylǵan jumys berýshiler qatarynda 512 iri uıym bar. Bıylǵy birinshi jartyjyldyq sońyna deıin biz taǵy 25 myń jumys berýshini tartýdy jáne keminde 750 myń qoldanystaǵy jáne jańa eńbek sharttaryn tirkeýdi josparlap otyrmyz», – dedi «Eńbek resýrstaryn damytý ortalyǵy» AQ derekterdi taldaý jáne óńdeý departamentiniń dırektory Baqtııar Jazyqpaev.
Barlyq elektrondyq eńbek sharttary Eńbek jáne halyqty áleýmettik qorǵaý mınıstrligi ázirlegen biryńǵaı qoımada saqtalady, al avtomattandyrylǵan kadrlyq eseptiń qosymshalary kóp jáne jumys berýshi júıege qosylý úshin ózine yńǵaıly ІT sheshimdi óz qalaýy boıynsha tańdaıdy.
«Jumys berýshilerdiń elektrondyq eńbek sharttaryn paıdalaný arqyly olardy jalpy derekqorda tirkeýge múmkindigi bar. Bul azamattardy jumysqa qabyldaý rásimin jeńildetýge jáne jedeldetýge múmkindik beredi, óıtkeni qujattardy qoldan jasaý qaýpi jáne olardy qaǵaz túrinde usyný qajettiligi joq. Bul derekter qyzmetkerdiń jeke is servısin qalyptastyrý kezinde de paıdalanylady. Sonymen qatar, júıeni paıdalaný – qyzmetker men jumys berýshi arasyndaǵy eńbek qatynastarynyń ashyqtyǵynyń kepili», – dep atap ótti Baqtııar Jazyqpaev.
Qazirgi ýaqytta E-hr júıesi pasporttyq jáne mekenjaı derekterin alý bóliginde jeke tulǵalardyń memlekettik derekqormen, sondaı-aq bilim týraly málimetterdi alý bóliginde ulttyq bilim derekqorymen biriktirilgen. Alynatyn aqparat, sondaı-aq jeke is qalyptastyrý úshin paıdalanylady.
Esterińizge sala keteıik, qazirgi ýaqytta «Elektrondyq úkimet» portalynyń jeke kabınetinde, sondaı-aq Smart Astana qosymshasy arqyly E-hr arqyly tirkelgen eńbek sharttaryn kórýge bolady.
Eńbekmıninde eńbek zańnamasyna E-hr júıesin engizý jáne qoldaný jónindegi túzetýler ázirlendi. Qazirgi ýaqytta zań jobasy QR Parlamenti Májilisinde maquldandy jáne Senattyń qaraýynda. Túzetýler 2020 jyldyń maýsymynan bastap zańdy kúshine enedi dep josparlanǵan.