E.Ashyqbaev Túrkııada ótken BUU konferentsııasyna qatysty

ASTANA. QazAqparat - 27-28 mamyrda Antalııa qalasynda BUU Bas Assambleıasynyń bastamasymen az damyǵan elderdiń máselelerine arnalǵan BUU konferentsııasy ótti. Ony BUU turǵyn halyqtar salasy jónindegi qory (ıÝNFPA) jáne BUU az damyǵan elderdiń joǵarǵy ókildigi uıymdastyrdy, dep habarlaıdy Túrkııadaǵy Qazaqstan elshiliginen.

Az damyǵan elderdi damytý maqsatynda jahandyq yntymaqtastyqty nyǵaıtýdy maqsat tutqan forýmǵa 3 myńǵa jýyq adam qatysty.

Іs-sharaǵa qatysýshylar Ystambul deklaratsııasy men is-qımyl baǵdarlamasyn, sondaı-aq osy elderdiń turaqty damý josparyn talqylady. Ol 2011 jyly Ystambulda ótken BUU az damyǵan elder jónindegi tórtinshi konferentsııasynda qabyldanǵan.

Qazaqstandyq delegatsııany Syrtqy ister mınıstriniń orynbasary Erjan Ashyqbaev bastap bardy, ol shet eldik áriptesterimen eki jaqty yntymaqtastyq máselelerin talqylaý, sondaı-aq Qazaqstandy 2017-2018 jyldary BUU Qaýipsizdik keńesiniń turaqty emes músheligine saılaý jónindegi qazaqstandyq bastamany ilgerletý máselesimen kezdesti.
Qazaqstandyq delegatsııa jetekshisi semınar aıasynda jalpy májiliste Qazaqstannyń Afrıka elderimen yntymaqtastyǵyna arnalǵan máseleler boıynsha baıandama jasady.

Qazirgi tańda álemde az damyǵan 48 memleket bar. Onda 880 mln adam ómir súredi (álem halqynyń 12 paıyzy). Olardyń 34-i Afrıkada, 9-y Azııada, 4-ýi Tynyqmuhıt aımaǵynda, bireýi Karıb aımaǵynda ornalasqan.