E.Amanshaev «Qazaqfılmniń» jańa jobalaryn jarııalady
17:59, 23 Tamyz 2013
ASTANA. 23 tamyz. QazAqparat - Jaqyn arada rejısser A.Sataevtyń jańa týyndysy kórermen qaýymǵa jol tarpaq. Bul týraly Astanada ótken jıyndardyń birinde Sháken Aımanov atyndaǵy «Qazaqfılm» AQ prezıdenti Ermek Amanshaev málim etti.
Onyń aıtýynsha, jaqyn arada «Ana týraly ańyz» atty áskerı drama shyǵady. Ony Qazaqstan jáne Reseıdiń kınogerleri birlesip túsirgen. Fılmniń rejısseri - Aqan Sataev. Kórnekti tarıhshy-ǵalym Ermuhan Bekmahanovtyń tragedııalyq taǵdyrǵa toly ómiri jaıly «Amanat» fılmin rejısser Satybaldy Narymbetov qolǵa alyp jatyr. Sondaı-aq qazaqtyń uly aqyny Maǵjan Jumabaevtyń ómiri men shyǵarmashylyq jolyna arnalǵan týyndy túsirilmek.