Dzıýdoshy Jansaı Smaǵulov Olımpıadany júldesiz aıaqtady
11:10, 26 Shilde 2021
NUR-SULTAN. QazAqparat – Dzıýdodan 73 kelide synǵa túsken Qazaqstan komandasynyń múshesi Jansaı Smaǵulov úshin Tokıo Olımpıadasy aıaqtaldy, dep jazady Olympic.kz.
Smaǵulov úshinshi aınalymda kanadalyq Artýr Margelıdonmen kezdesken bolatyn. Beldesýdiń negizgi ýaqyty teń aıaqtalyp, jeńimpazdar qosymsha ýaqytta anyqtaldy.
Birinshi bolyp «vazzarı» upaıyn alǵan Kanada ókili kelesi aınalymǵa ótti.
Dzıýdodan Qazaqstan komandasynyń enshisinde Eldos Smetov enshilegen jalǵyz medal bar. Keshe Erlan Serikjanov (66 keli), búgin Jansaı Smaǵulov (73 keli) jarysty erte aıaqtady.