Dzıýdoshylarymyzdy alda qandaı iri jarystar kútip tur

<p>Qazaqstandyq tatamı sheberlerin jańa bastalǵan jylda qandaı iri dodalar kútip turǵany belgili boldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

QR Dzıýdo federatsııasy málim etkendeı, 2024 jyly dzıýdodan álemdik grand týrlar jalǵasyn tabady. Sol arqyly sportshylar olımpıadalyq reıtıngidegi jaǵdaıyn odan ári jaqsartýǵa múmkindik alady.

Atap aıtsaq, Halyqaralyq dzıýdo federatsııasynyń kestesine sáıkes, 26-28 qańtar kúnderi Portýgalııada Gran-prı týrnıri ótedi.

2-4 aqpan aralyǵynda Parıjde «Úlken Dýlyǵa» Halyqaralyq týrnıri myqtylardy anyqtaıdy.

Al 16-18 aqpanda Bakýde, 1-3 naýryz kúnderi Tashkentte, 22-24 naýryzda Tbılısıde, 29-31 naýryzda Antalıadaǵy Grand Slam týrnırleriniń alaýy tutanady.

19-24 mamyr aralyǵynda Abý-Dabıde eresekter arasyndaǵy álem chempıonaty ótedi. Sondaı-aq, 10-12 mamyrda Grand Slam týrnırin Almaty qalasy qabyldaıdy.

Olımpıada qarsańyndaǵy sońǵy jarys 28-30 maýsym kúnderi Ulan-Bator qalasynda ótpek.

Al Parıjdegi Olımpıada oıyndarynda dzıýdo baǵdarlamasy 27 shilde men 2 tamyz aralyǵyna josparlanǵan.