Dzıýdoshylarymyz Portýgalııada ótken Gran-prı týrnırin jalǵyz qolamen aıaqtady

<p>ASTANA. KAZINFORM &ndash; Qazaqstandyq tatamı sheberleri Portýgalııada ótken álemdik Gran-prı týrnırin jalǵyz qola medalmen aıaqtady.</p>

Atap aıtsaq, halyqaralyq týrnırde 48 kelige deıingi salmaq dárejesinde áıelder arasynan tek Ábıba Ábýjaqynova ǵana qola júldege qol jetkizdi. Ol jubanysh fınalynda túrkııalyq Sıla Ersindi utyp, medalǵa qol jetkizdi.

Portýgalııanyń Odıvelash qalasynda ótken Gran-prı dodasy - dzıýdodan 2024 jylǵy maýsymnyń alǵashqy resmı reıtıngilik jarysy boldy. Oǵan álemniń 90 elinen 624 dzıýdoshy qatysty.

Endi alda taǵy da dzıýdoshylarymyzdy birqatar mańyzdy doda kútip tur. Atap aıtsaq, 2-4 aqpan aralyǵynda Parıjde «Úlken Dýlyǵa» Halyqaralyq týrnırinde balýandar kim myqtyny anyqtaıdy.

Al 16-18 aqpanda Bakýde, 1-3 naýryz kúnderi Tashkentte, 22-24 naýryzda Tbılısıde, 29-31 naýryzda Antalıadaǵy Grand Slam týrnırleriniń alaýy tutanady.

19-24 mamyr aralyǵynda Ábý-Dabıde eresekter arasyndaǵy álem chempıonaty ótedi. Sondaı-aq 10-12 mamyrda Grand Slam týrnırin Almaty qalasy qabyldaıdy.

Olımpıada qarsańyndaǵy sońǵy jarys 28-30 maýsym kúnderi Ulan-Bator qalasynda ótedi.