Dzıýdoshy Ábıba Ábýjaqynovaǵa úshinshi kólik syıǵa berildi
«Jeńis» dzıýdo klýbynyń prezıdenti Almaz Álsenov dzıýdoshy Ábıba Ábýjaqynovaǵa BMW X3 krossoverin syılaǵan.
«Almaz Alsenov kezekti kóliktiń kiltin tabystady. Klýbtyń kapıtany retinde alǵan kólik meni budan keıin de toqtamaýǵa, tynbaı eńbektenýge taǵy bir sebep dep oılaımyn. Olımpıada oıyndary meniń ómirimdi túbegeıli ózgertkeni anyq. Soǵan qaramastan barlyǵy meni qoldap, jyly lebizderin aıap jatqan joq. Memleketten, respýblıkalyq federatsııadan, Atyraý oblysy jáne súıikti «Jenys» klýbymnan buryn qandaı qoldaý bolsa, Olımpıadadaǵy júldesiz nátıjege qaramastan qoldaýyn jalǵastyryp otyr. Bul – bir kúndik emes, kóp jyldyq eńbegimniń, mańdaı terim men tynymsyz jattyǵýlardyń nátıjesinde jetken syı dep qabyldaımyn. Áli-aq sizderdiń úmitterińizdi aqtap, qoldaýlaryńyzdyń óteýi retinde jeńisti joldy jalǵastyramyn dep ýáde beremin», - dedi Ábıba Ábýjaqynova áleýmettik jelidegi paraqshasynda.
Dzıýdoshy Ábıba Ábýjaqynova – álem chempıonatynyń eki dúrkin kúmis júldegeri. Ol 48 keli salmaqta kúresip júr. Parıj Olımpıadasyna Atyraý oblysynyń atynan qatysyp, qola júlde úshin beldesýde shved palýanynan jeńilgen edi. Alaıda, tórtjyldyq dodada 5-orynǵa turaqtady.
Oǵan Parıj Olımpıadasynan oralǵan sátte Parlament Májilisiniń depýtaty Aıdarbek Hodjanazarov Kia kóligin syıǵa berdi. Al, Atyraý oblysynyń demeýshileri Zeekr kóligin alyp berdi.
Eske sala ketelik, budan buryn atyraýlyqtar Parıj Olımpıadasynan oralǵan Ábıba men Esmıgúlge kólik syılaǵanyn jazǵan edik.
Keıin dzıýdoshy Ábıba Ábýjaqynova men áli-aq jarq etemin dep jazba qaldyrǵanyn habarlaǵan bolatynbyz.