Dzıýdodan Tbılısıdegi Grand Slam týrnıri: Qazaqstan úzdik ondyqqa endi

<p>ASTANA. KAZINFORM &mdash; Dzıýdodan Qazaqstan quramasy Tbılısıde ótken álemdik Grand Slam jarysyn 1 altyn, 1 qola júldemen aıaqtady.</p>

Qazaqstan dzıýdo federatsııasynyń baspasóz qyzmetinen málim etkenindeı, sonyń nátıjesinde qurama jalpy medal kestesinde 83 eldiń ishinde 7-orynǵa turaqtady.

Foto: Qazaqstan dzıýdo federatsııasynan

Jarystyń alǵashqy kúninde qazaqstandyq Nurqanat Serikbaev (60 kg) fınalda Izraıl sportshysy ıAm Ýoltsakty utyp, chempıon atansa, áıelder arasynda Ǵalııa Tynbaeva 48 kelige deıingi salmaq dárejesinde qola júlde enshiledi. Jubanysh fınalynda ol ıspanııalyq Mıreıa Lapýerta Komosty jeńgen bolatyn.

Týrnırdiń sońǵy kúninde qola júlde úshin beldesken qos qazaqstandyq balýan 5-orynǵa jaıǵasty. 100 kelige deıingi salmaqta Islam Bozbaev shırek fınalǵa deıin jetip, qola júlde úshin beldesýde aýstrııalyq qarsylasyna ese jiberdi.

Foto: Qazaqstan dzıýdo federatsııasynan

Al 100 keliden joǵary salmaq dárejesinde qazaqstandyq Erasyl Qajybaev óz tobynan úzdik shyǵyp, jartylaı fınalǵa deıin jetti. Jartylaı fınalda tájirıbeli grýzııalyq balýan, olımpıada oıyndarynyń kúmis júldegeri, álem chempıony Gýram Týshashvılıge jol berdi. Qola júlde úshin básekede otandasymyzdy taǵy bir grýzııalyq sportshy Saba Inaneıshvılı toqtatty.

Eske sala keteıik, budan buryn Nurqanat Serikbaevtyń Grand Slam jarysynyń jeńimpazy atanǵanyn jazǵan bolatynbyz.