Dzıýdodan irikteý beldesýi: 60 keli salmaqta Parıjge kim barady

<p>ASTANA. KAZINFORM &ndash; Qazaqstan dzıýdo federatsııasy 60 kelige deıingi salmaq dárejesinde Parıj olımpıadasynyń qatysýshysyn anyqtaý maqsatynda irikteý beldesýin ótkizedi.</p>

Qazaqstan dzıýdo federatsııasynan málim etkenindeı, atalmysh saıys ulttyq quramanyń Almaty qalasynda ótip jatqan oqý-jattyǵý jıyny aıasynda 7 maýsym kúni uıymdastyrylady.

Halyqaralyq dzıýdo federatsııasynyń jáne Halyqaralyq olımpıada komıtetiniń erejesi boıynsha jazǵy olımpıada oıyndaryna dzıýdodan ár salmaqtan ár elden tek bir sportshy qatysady. 

Qazirgi tańda 60 kelige deıingi salmaq dárejesinde Qazaqstannan úsh sportshy, atap aıtqanda, Nurqanat Serikbaev, Eldos Smetov jáne Maǵjan Shamshadın olımpıadalyq reıtıngte joldama ıegerleri tiziminde tur. 

Іrikteý beldesýleri týraly tolyǵyraq málimet qosymsha habarlanady.

Eske sala keteıik, budan buryn dzıýdodan álem birinshiligin Qazaqstan erler quramasynyń júldesiz aıaqtaǵanyn jazǵan bolatynbyz.