Dzıýdodan Parıj Olımpıadasyna upaı úlestiretin sońǵy jarys Astanada ótedi

<p>Dzıýdodan Parıj Olımpıadasyna upaı úlestiretin sońǵy jarys Astanada ótedi, dep habarlaıdy Kazinform.</p>

QR Ulttyq olımpıadalyq komıteti málim etkendeı, Halyqaralyq dzıýdo federatsııasy (IJF) 2024 jylǵy sport kestesin jańartty.

Nátıjesinde, jańartylǵan kúntizbege sáıkes, Qazaqstanda ótetin álemdik Qazaqstan Barysy Grand Slam 2024 jarysy Almaty qalasynan Astana qalasyna aýystyrylǵan.

Jarys 10-12 mamyr kúnderine josparlanǵan.

Aıta keterligi, bul báseke 2024 jylǵy Parıj Olımpıadasyna reıtıngtik upaı beretin sońǵy Grand Slam jarysy.

Grand Slam jarysynyń jeńimpazdary men júldegerlerine beriletin upaılar:
I oryn - 1000 upaı
II oryn - 700 upaı
III oryn - 500 upaı