Dzıýdodan Qazaqstan ulttyq quramasynyń daıyndyǵyna jańa ádisteme engiziledi

<p>ASTANA. KAZINFORM &ndash; Dańqty ıtalııalyq dzıýdoshy, Olımpıada chempıony jáne eki dúrkin álem chempıonatynyń kúmis júldegeri Etsıo Gamba bastaǵan komanda dzıýdodan Qazaqstan ulttyq quramasymen yntymaqtastyqty bastady. Bul týraly Týrızm jəne sport mınıstrliginiń resmı telegram-kanalynda habarlandy.</p>

Bul yntymaqtastyq aıasynda halyqaralyq arenada óziniń tıimdiligin dáleldegen jańa daıyndyq ádistemesi engizilip jatyr.

Gambanyń jetekshiligimen Italııa quramasy 2000 jylǵy Sıdneı Olımpıadasynda 1 altyn, 3 qola medal jeńip alsa, al Reseı quramasyn jattyqtyrǵan kezinde London Olımpıadasynda onyń shákirtteri 3 altyn, 1 kúmis, 1 qola medal enshilegen.

Aıta ketý kerek, eki dúrkin Eýropa chempıony, álem birinshiliginiń kúmis júldegeri Robert Mshvıdobadze, Eýropa chempıonatynyń kúmis júldegeri Batradz Kaıtmazov jáne japonııalyq tájirıbeli maman Tsýnoda Tsýesı bastaǵan Gambanyń komandasy ulttyq quramanyń jattyǵý úderisine jan-jaqty qoldaý kórsetýde. Olardyń tájirıbesi men ınnovatsııalyq tásilderi otandyq dzıýdony jańa jetistikterge jetkizýdiń qýatty quraly bolmaq.

Buǵan deıin Ábıba Ábýjaqynova dzıýdodan Qazaqstannyń eńbek sińirgen sport sheberi ataǵyn alǵany málim boldy.