ASTANA. KAZINFORM - Slovenııada dzıýdodan erler men áıelder arasynda Eýropa kýbogynda qazaqstandyq Sherzod Davlatov jeńimpaz atandy.
Jarystyń alǵashqy kúni, 15 maýsymda qazaqstandyq dzıýdoshy Sherzod Davlatov 60 kelide barlyǵy 5 kezdesý ótkizip, beseýinde de jeńiske jetti.
Óz tobynan úzdik shyǵyp, jartylaı fınalda Najı Devıdti (Vengrııa), al fınalda Slovenııa sportshysy Devıd Starkelden basym tústi.
Aıta ketsek, Eýropa kýbogine 29 elden barlyǵy 324 tatamı sheberi qatysýda.
Aıta ketsek, bıyl Parıj Olımpıadasynda Qazaqstan namysyn qorǵaıtyn dzıýdoshylar anyqtaldy.
Áıelderde Abıba Abýjaqynova (48 keli), Kamıla Berliqash (78 keli), Esmıgúl Kýıýlova (aralas-komandalyq jarys) baq synasa, erlerde Eldos Smetov (60 keli), Ǵusman Qyrǵyzbaev (66 keli), Danııar Shamshaev (73 keli), Abylaıhan Jubanazar (81 keli), Nurlyhan Sharhan (100 keli) el namysyn qorǵaıdy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.