Dzıýdodan Eýropa kýbogi: Qazaqstan jaóspirimderi alǵashqy kúni 10 medal jeńip aldy

ASTANA. QazAqparat – Grýzııanyń Gorı qalasynda dzıýdodan jasóspirimder arasynda Eýropa kýboginiń alǵashqy kúni Qazaqstan quramasy 10 medal jeńip aldy, dep habarlaıdy QazAqparat tilshisi.

Qazaqstan dzıýdo federatsııasynyń baspasóz qyzmetinen málim etkenindeı, Eýropa kýbogine barlyǵy 16 elden 300-den astam sportshy qatysýda.

Qazaqstan jasóspirimderi birinshi kúnniń qorytyndysy boıynsha 4 altyn, 2 kúmis jáne 4 qola júldemen jalpy medal kestesinde kósh bastady.

Atap aıtqanda, Nurbol Asqar (50 kg), Nurlan Isataev (55 kg), Nursultan Ysqaqov (60 kg) jáne Sabına ıÝldasheva (40 kg) chempıon atansa, Erbolat Syzdyq (50 kg) pen Sere Ótepqalı (40 kg) kúmis, Oralbek Baızaq (55 kg), Nurgeldi Qanat (60 kg), Gúlhan Shyńǵyshan (44 kg), Kıra Hegaı (48 kg) qola júldege ıe boldy.

Jarys 30 sáýir kúni qorytyndylanyp, uldar arasynda 73 kg, 81 kg, 90 kg, +90 kg, qyzdardan 57 kg, 63 kg, 70 kg jáne +70 kg salmaq dárejesinde jeńimpaz-júldegerler anyqtalady.

Eske sala keteıik, budan buryn Qazaqstan paradzıýdo quramasynyń Azııa chempıonatynan 14 medal jeńip alǵanyn jazǵan bolatynbyz.