Dzıýdodan Azııa chempıonaty: Qazaqstan quramasy úshinshi oryn

NUR-SULTAN. QazAqparat – Qazaqstandyq dzıýdoshylar elordada búgin aıaqtalǵan Azııa chempıonatynda jalpy komandalyq esepte úshinshi oryn boldy, dep habarlaıdy QazAqparat.

Sońǵy sheshýshi sátte Qazaqstan quramasy Ózbekstan sportshysymen kezdesti. Dzıýdoshylar aıqasy óte tartysty boldy. Esep 3:3. Alaıda jaraqat alyp qalǵan ózbekstandyq tatamıge shyǵýdan bas tartty. Bul qazaqstandyq sportshy Kamıla Berlikashqa jeńis ákeldi.

Ulttyq qurama sapynda Danııar Shamshaev (73 keli) altyn aldy. Al Islam Bozbaev (100 keli) pen Abıba Abýjaqynova (48 keli) kúmis medal ıegeri atandy. Sondaı-aq Nurlyhan Sharhan (100 keli), Dıdar Hamza (90 keli), Arýna Jangeldına (78 keli), Maǵjan Shámshadın men Ǵusman Qyrǵyzbaev (66 keli) qola medal aldy.

Jalpykomandalyq esepte Japonııa, odan keıingi orynǵa Mońǵolııa jaıǵasty.

Olardyń qataryna atalǵan quramalardan ózge Ońtústik Koreıa, Qytaı, Tájikstan, Taıvan, Qyrǵyzstan, Birikken Arab Ámirligi sportshylary endi.

Atalǵan dodada Azııanyń 19 elinen kelgen 200-den astam balýan 14 salmaqta baq synady. Olardyń qatarynda elimizdiń atynan 18 balýan synǵa tústi.

Foto: Salı Sabırov, press-slýjba NOK Kazahstana