ASTANA. KAZINFORM – Tashkent qalasynda dzıýdodan áskerı qyzmetshiler arasynda álem chempıonatynda qazaqstandyqtar Ekaterına Tokareva men Kámıla Berliqash qola júldeni jeńip aldy.
QR Qarýly kúshteriniń qyzmetshisi Ekaterına Tokareva 78 kelige deıingi salmaqta úshinshi orynǵa talasta ózbekstandyq Mýshtarııbegım Avzalovadan aılasyn asyrdy.
Sondaı-aq QR Qarýly kúshteriniń taǵy bir qyzmetshisi Kámıla Berliqash 78 keliden joǵary salmaqta qola júlde úshin básekede frantsııalyq Nokes Manondy utty.
Osyǵan deıin qazaqstandyqtardan Nurqanat Serikbaev 60 kelige deıingi salmaqta chempıon atansa, onymen fınalda kúresken Sherzod Davlatov kúmis júldeni qanaǵat tutqan edi. Al Janarys Rahmetqalı (66 kg) men Baqytjan Abdýrahmanov (73 kg) qola júldege qol jetkizdi.
Eske sala keteıik, budan buryn Nurqanat Serikbaevtyń áskerıler arasynda álem chempıony atanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).