ASTANA. KAZINFORM - Dzıýdodan 19-24 mamyrda Birikken Arab Ámirliginiń Abý-Dabı qalasynda ótetin álem chempıonatyna qatysatyn Qazaqstan áıelder quramasy belgili boldy.
Álemdik dodada elimizdiń atynan alty salmaqta jeti balýan baq synaıdy. Olardyń qatarynda Abıba Ábýjaqynova men Ǵalııa Tynbaeva (48 keli), Baqyt Qusaqbaeva (57 keli), Esmıgýl Kýıýlova (63 keli), Ekaterına Tokareva (70 keli), Arýna Jangeldına (78 keli), Kamıla Berliqash (78 keliden joǵary) tatamı tórinde tartysqa túsedi.
Álem chempıonatynda 90-nan astam elden 460-tan astam balýan keledi dep josparlanǵan.
Eske salsaq, budan buryn elordada Qazaqstan Barysy Grand Slam týrnıri máresine jetti.
Elordada ótken týrnırde qazaqstandyq balýandar tórt medal oljalady. Jarys barysynda Ǵalııa Tynbaeva altyn alsa, Eldos Smetov (60 keli), Baqytjan Abdýrahmanov (73 keli) jáne Abylaıhan Jubanazar (81 keli) qola júldeger atandy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.