Talǵat Orynbasar dzıýdodan álem chempıonatynda qola júldege qol jetkizdi

<p><strong>ASTANA. KAZINFORM &ndash; Qazaqstandyq dzıýdoshy Talǵat Orynbasar Tájikstan astanasy Dýshanbede ótip jatqan dzıýdodan jasóspirimder arasyndaǵy álem chempıonatynyń qola júldegeri atandy. Bul týraly&nbsp;<a href="https://olympic.kz/kk/article/31979-talgat-orynbasar-poboretsya-za-bronzovuyu-medal-yuniorskogo-chempionata-mira-po-dzyudo" target="_blank" rel="noopener">UOK</a>-niń baspasóz qyzmeti habarlady.&nbsp;</strong></p>

60 kelige deıingi salmaqta beldesken otandasymyz ıtalııalyq balýan Vınchentso Manferlottıdi jubanysh aınalymynda taza jeńdi. Osylaısha, Orynbasar qola júlde úshin kúresýge múmkindik aldy.

Ol Ázerbaıjannan kelgen dzıýdoshy Nızamı Imranovty jeńip, qola júldeni enshiledi. Aıta ketelik, bul – atalǵan chempıonattaǵy Qazaqstan komandasynyń alǵashǵy júldesi. 

66 kelige deıingi salmaqtaǵy Maǵjan Áljanovtyń da úshinshi orynǵa talasýǵa múmkindigi bolǵan edi. Alaıda ol jubanysh aınalymynda qarsylasy ıtalııalyq sportshy Alessıo De Lýkege ese jiberdi. 

Eske sala keteıik, buǵan deıin para taekvondodan eki dúrkin álem chempıony Nyshan Ómiráli ómirden ótkenin jazǵan edik.