Dzıýdo: Taǵy bir sportshymyz Azııa birinshiliginde alǵashqy júldesine qol jetkizdi

<p>ASTANA. KAZINFORM &ndash; Qytaıdyń Gonkong qalasynda ótip jatqan dzıýdodan Azııa chempıonatynda taǵy bir otandasymyz Janarys Rahmetqalı alǵash ret Azııa chempıonatynyń júldesin moınyna taqty.</p>

66 keli salmaq dárejesinde qola medal úshin talasta eki qazaq sportshylarynyń joly túıisti. Osylaısha Rahmetqalı qola júlde úshin beldesýde Ulttyq quramanyń taǵy bir dzıýdoshysy, tájirıbeli Ǵusman Qyrǵyzbaevty qosymsha ýaqytta utyp, alǵash ret Saryqurlyq dodasynyń qola júldegeri atandy.

Bul Janarystyń eresekter arasyndaǵy alǵashqy halyqaralyq jarysy. Al Ǵusman 2019 jyly Fýdjeırada (60 kg), 2022 jyly Astanada (66 kg) ótken Azııa chempıonatynda qola júldeger atanǵan.

Sonymen qatar búgin taǵy bir qazaqstandyq dzıýdoshy Nurqanat Serikbaev Azııa chempıonatynda úzdik bestikten kórindi. Ol qola júlde úshin beldesýde qarsylasyna jol berdi. Nurqanat shırek fınalda ózbekstandyq Doston Rýzıevten basym bolǵanymen, kelesi kezeńde Tokıo Olımpıadasynyń kúmis júldeger ıAn ıÝnveıge ese jibergen.

Aıta keteıik, Azııa chempıonatynyń jeńimpazy reıtıngte 700, kúmis júldeger 490 upaı alsa, qola medal alǵan 2 dzıýdoshyǵa 350 ball qosylady.

Atalǵan Saryqurlyq dodasynda 34 eldiń 262 tańdaýly tatamı sheberleri ózara kim myqtyny anyqtap jatyr.

Esterińizge sala keteıik, osyǵan deıin áıelder arasynda 48 keli salmaqta Ǵalııa Tynbaeva Azııa chempıonatyndaǵy tuńǵysh júldesine qol jetkizgenin jazǵan bolatynbyz.