Dzıýdo: Nurqanat Serikbaev Azııa chempıonatynyń jartylaı fınalyna shyqty

<p>ASTANA. KAZINFORM &ndash; Búgin Qytaıdyń Gonkong qalasynda dzıýdodan Azııa chempıonaty bastaldy. Qazaqstandyq tatamı sheberleri Saryqurlyq dodasyn sátti bastady.</p>

Atap aıtsaq, 60 keli salmaqta synǵa túsip jatqan qazaqstandyq dzıýdoshy Nurqanat Serikbaev Azııa chempıonatynyń jartylaı fınalyna shyqty. Ol shırek fınalda ózbekstandyq Doston Rýzıevtiń osal tusyn tapty.

Al 66 keli salmaqta Janarys Rahmetqalı (-66 kg) eresekter arasyndaǵy óziniń alǵashqy Azııa chempıonatyn sátti bastady. Ulttyq qurama sportshysy alǵashqy aınalymda fılıppındik Shýgen Nakanonyń jaýyrynyn jerge tıgizdi. Endi onyń kelesi qarsylasy - BAÁ-niń ókili Narmandah Baıanmýnh bolmaq.

Sonymen qatar 66 kelide el namysyn qorǵap jatqan taǵy bir otandasymyz Ǵusman Qyrǵyzbaev Azııa chempıonatynda fılıppındik dzıýdoshy Rendı Ferrero men Saýd Alamırıdi taza utty. Otandasymyz kelesi kezeńde Sardor Nýrýllaevpen kúsh synasady.

Al áıelder arasynda 48 keli salmaqta synǵa túsip jatqan Últtyq quramanyń úzdigi Ábıba Ábýjaqynova Azııa chempıonatyndaǵy alǵashqy beldesýinde Túrkmenstan dzıýdoshysy Qurbanaı Qurbanovany taza utty. Endi onyń kelesi qarsylasy Kano Mııakı (Japonııa) bolmaq. Taǵy bir otandasymyz 57 keli salmaqta synǵa túsetin Bahyt Qusaqbaeva da Azııa chempıonatyn jeńispen bastady. Ol golden-skorda Tı Bıch Ngýendi (Vetnam) jeńdi.