Dzıýdo: Grand Slam, Grand Prix jarysynyń jeńimpaz-júldegerleri marapattaldy

<p>ASTANA. KAZINFORM &ndash; Búgin Almaty oblysynda Qazaqstan ulttyq qurama komandasynyń oqý-jattyǵý jıyny aıasynda sportshylardy marapttaý sharasy ótti.&nbsp;</p>

QR Dzıýdo federatsııasy málim etkendeı, federatsııa prezıdenti Qýanyshbek Esekeevtiń jetekshiligimen ótken keshte 2024 jylǵy sport maýsymynda joǵarǵy kórsetkishke qol jetkizgen sportshylar aqshalaı syılyqqa ıe boldy.

Grand Slam kezeńderiniń kúmis-qola júldegeri Ábıba Ábýjaqynova 1.7 mln, Grand Slam jarysynyń jeńimpazy Nurqanat Serikbaev - 1 mln, Grand Slam kezeńderiniń qola júldegerleri Nurlyhan Sharhan, Danııar Shamshaev jáne Ǵalııa Tynbaeva 400 myń teńgelik sertıfıkattarmen marapattaldy.

Іs-shara sońynda Qazaqstan dzıýdo federatsııasynyń prezıdenti Qýanyshbek Esekeev dzıýdoshylarǵa aldaǵy Azııa chempıonatyna sáttilik tiledi.

Esterińizge sala keteıik, osyǵan deıin dzıýdodan 20-22 sáýir aralyǵynda Gonkongta ótetin XXXII Azııa chempıonatynda el namysyn kimder qorǵaıtyny týraly jazǵan bolatynbyz. 

Azııa chempıonatynda 1-orynǵa — 700 upaı, kúmis júldegerge — 490 upaı, qola medal alǵandarǵa 350 upaı beriledi.

Aıta keteıik, Qazaqstan quramasy 1993 jyldan beri Azııa chempıonatyna qatysyp, 14 altyn, 24 kúmis, 77 qola jeńip alǵan.