Dzıýdo: Ǵalııa Tynbaeva jartylaı fınalǵa shyqty

<p>ASTANA. KAZINFORM &ndash; Astanada ótip jatqan dzıýdodan Qazaqstan Barysy Grand Slam jarysynda Ǵalııa Tynbaeva jartylaı fınalǵa shyqty. Naqtyraq aıtsaq, 48 kelide el namysyn qorǵap jatqan otandasymyz Tynbaeva osydan bir apta buryn Dýshanbede ótken týrnırdiń kúmis júldegeri túrkııalyq Týgche Bederden aılasyn asyryp, jartylaı fınalǵa ótti.</p>

Endi jartylaı fınalda Ǵalııa álem chempıonatynyń kúmis júldegeri Shırın Býklımen beldesedi.

Esterińizge sala keteıik, osyǵan deıin búgin tatamıge shyqqan burymdy balýandarymyzdan Ǵalııa Tynbaevadan ózgesi jappaı utylyp qalǵanyn jazǵan bolatynbyz.

Elorda tórinde ótip jatqan bul jarysta Parıj Olımpıadasynyń sońǵy lıtsenzıalary sarapqa salynyp jatyr. Atalǵan dodaǵa álemniń 92 elinen 519 tatamı sheberi qatysyp jatyr. Synǵa túsip jatqan balýandardyń qatarynda 3 Olımpıada, 13 álem chempıony bar.

Bul básekeniń nátıjesinde IJF erejelerine sáıkes jarystyń jeńimpazdary men júldegerleri arasynda álemdik jáne olımpıadalyq reıtıngilerde upaılar bólinedi. 

Atap aıtqanda, І oryn úshin 1 000, ІІ oryn úshin – 700, al ІІІ oryn úshin – 500 upaı esepteledi.