Dzıýdo: Arýna Jangeldına Azııa chempıonatynyń jartylaı fınalyna shyqty

<p>ASTANA. KAZINFORM &ndash; Qytaıdyń Gonkong qalasynda ótip jatqan dzıýdodan Azııa chempıonatynyń úshinshi jarys kúni áıelder arasynan qazaqstandyq Arýna Jangeldına jartylaı fınalǵa shyqty.</p>

Atap aıtsaq otandasymyz shırek fınalda ózbekstandyq dzıýdoshy Irıshon Qurbanbaevadan aılasyn asyryp, qarsylasyn jarys jolynan taıdyrdy.

Jangeldına alǵashqy aınalymynda qyrǵyzstandyq dzıýdoshynyń jaýyrynyn jerge tıgizdi.

Osy salmaqtaǵy taǵy bir otandasymyz Margarıta Grıtsenko birinshi beldesýinde Taıpeı sportshysyn taza utty. Alaıda, shırek fınalda japon balýanynan utylyp qaldy.

Sonymen qatar asa aýyr salmaqtaǵy (+78 keli) Kamıla Berliqash pen Aqerke Ramazanova Azııa chempıonatynyń alǵashqy aınalymynda qarsylasyna ese jiberip, jarysty erte aıaqtady.

Esterińizge sala ketsek, atalǵan sary qurlyq dodasynyń birinshi jarys kúni áıelder arasynda 48 keli salmaqta Ǵalııa Tynbaeva men erler arasynda Janarys Rahmetqalı alǵash ret Azııa chempıonatynyń júldesin moınyna taqty.

Al keshe, ıaǵnı ekinshi jarys kúni tek Esmıgýl Kýıýlova qola medal jeńip aldy. 

Aıta keteıik, Azııa chempıonatynyń jeńimpazy reıtıngte 700, kúmis júldeger 490 upaı alsa, qola medal alǵan 2 dzıýdoshyǵa 350 ball qosylady.

Atalǵan Saryqurlyq dodasynda 34 eldiń 262 tańdaýly tatamı sheberleri ózara kim myqtyny anyqtap jatyr.