Djýlıan Assanjǵa qatysty is toqtatyldy

<p>ASTANA. KAZINFORM &mdash; WikiLeaks-tiń negizin qalaǵan Djýlıan Assanj amerıkalyq sotta áskerı qupııany jarııalaǵany úshin kinásin moıyndady. Artynsha AQSh bıligimen buǵan deıin jasalǵan kelisimderge sáıkes ol bosatyldy, dep jazady <a href="https://www.bbc.com/russian/articles/c3gg363md8mo" target="_blank" rel="noopener">VVS.</a></p>

Sot otyrysy Tynyq muhıty Saıpan aralyndaǵy Soltústik Marıan araldarynyń (AQSh aýmaǵy) federaldy okrýgtik sotynda ótti. Sýdıa Ramona Manglona ulttyq qorǵanys týraly qupııa aqparatty alý jáne jarııa etkeni úshin kinásin moıyndaǵannan keıin Assanjdyń AQSh-qa ekstradıtsııalaýmen kúresý kezinde Londondaǵy Belmarshta qatań rejımdegi túrmede ótkizgen 62 aıyn jazasyn óteý merzimine sanaý «ádil jáne oryndy» bolatynyn aıtty.

«Siz sot zalynan erkin adam retinde shyǵa alasyz», - dedi sot otyrysynyń sońynda sýdıa.

Assanjǵa qarsy is toqtatyldy, Amerıka bıligi de ekstradıtsııalaý týraly ótinishin qaıtaryp aldy.

Djýlıan Assanj dúısenbi kúni Belmarsh túrmesinen bosatylyp, jeke ushaǵymen áýeli Bangkokqa, odan ary Soltústik Marıan araldaryna ushty.

AQSh prokýrorlary Saıpandaǵy sýdıadan Assanj kinásin moıyndaǵan soń dereý tyńdaý ótkizip, úkim shyǵarýdy surady.

Assanj baspasózge eshqandaı málimdeme jasamady jáne kezdesýden keıin Aýstralııa astanasy Kanberraǵa ushyp ketti.