Djohar Ótebekov lıtsenzııasynan aıyrylmaıdy - Advokattar alqasy

ASTANA. QazAqparat - Respýblıkalyq advokattar alqasy óz áriptesterine áleýmettik jelilerde advokattyń kásibı etıkasyna qaıshy keletin pikirlerdi bildirýden tartynýǵa keńes berdi, dep habarlaıdy QazAqparat.

Respýblıkalyq advokattar alqasynyń resmı saıtynda jarııalanǵan málimdemede Facebook áleýmettik jelisindegi pikirlerine baılanysty zańger Djohar Ótebekovti lıtsenzııadan aıyrýǵa emes, tártiptik jaýapkershilikke tartýǵa qatysty máseleni qaraý usynylǵany aıtylǵan.

«Advokat ádildik pen zańdylyqqa qol jetkizý úshin óziniń kásibı bilimin, onyń ishinde sot tártibimen, zańdy shekten shyqpaı paıdalanýǵa múmkindik beretin barlyq quqyqtyq ádister men tásilderge ıe ekendigine nazar aýdartamyz. Áleýmettik jelilerdegi advokattyń minez-qulqy kásiptik salada advokattyń ózge de áreketteri sııaqty barlyq talaptarǵa saı bolýy kerek», - delingen habarlamada.