Djo Baıdenniń bas rezıdentsııasynan kokaın tabyldy

VAShINGTON. QazAqparat – Jeksenbi kúni Vashıngtondaǵy Aq úıde azdaǵan dúrbeleń boldy: kúzet qyzmetkerleri belgisiz untaqty taýyp alyp, AQSh prezıdenti apparatyn shuǵyl evakýatsııalaýǵa týra keldi, dep habarlaıdy QazAqparat VVS-ge silteme jasap.

Amerıkalyq pressa seısenbi kúni jazǵandaı, tabylǵan untaq kokaın bolyp shyqty.

AQSh Qupııa qyzmetiniń baspasóz hatshysy Entonı Gýlelmıdiń VVS-ge aıtýynsha, belgisiz untaq jeksenbi kúni keshke toǵyzdar shamasynda tabylǵan jáne Aq úı qaýipsizdik maqsatynda jabylǵan.

Prezıdent kúzeti dereý órt sóndirýshilerdi shaqyryp, olar untaqtyń qaýipsiz ekenin anyqtady.

Soǵan qaramastan, untaq qosymsha taldaýǵa jiberildi. Qazirgi ýaqytta onyń Aq úıge qalaı jetkizilgenin anyqtaý úshin tergeý júrip jatyr.

Prezıdent Djo Baıdenniń ózi jeksenbi kúni Aq úıde bolǵan joq. Ol Kemp-Devıd rezıdentsııasynda edi.