Djo Baıdennen qaterli isik anyqtalyp, oǵan ota jasaldy

ASTANA. QazAqparat – AQSh prezıdenti Djo Baıdennen teriniń qaterli isigi anyqtaly, oǵan sátti ota jasaldy, dep habarlaıdy QazAqparat VVS agenttigine silteme jasap.

Ary qaraı emdelýdiń qajeti joq, otadan keıin 80 jastaǵy prezıdent medıtsınalyq tekserýden ótip, «jumys isteýge jaramdy» dep tanyldy, delingen Aq úı málimdemesinde.
Aq úı dárigeri Kevın O`Konnor jazǵan qujatta anyqtalǵan qaterlik isik túri, ıaǵnı bazaldi jasýshalyq kartsınoma, ádette metastaz týdyrmaıtyny naqtylanǵan.
Bazaldi jasýshalyq jáne qabyrshaqty jasýshaly kartsınoma – Aýrýlardy baqylaý jáne aldyn alý ortalyǵynyń deregi boıynsha, AQSh-ta keń taraǵan teri qaterli isiginiń negizgi eki túri.