Djo Baıden óz ulyna raqymshylyq jasady

<p>ASTANA.KAZINFORM&nbsp; -&nbsp; AQSh prezıdenti Djo Baıden eki qylmystyq is boıynsha kináli dep tanylyp, úkimin kútip otyrǵan uly Hanterge raqymshylyq jasady, delingen&nbsp; <a href="https://www.whitehouse.gov/briefing-room/statements-releases/2024/12/01/statement-from-president-joe-biden-11/" target="_blank" rel="noopener">Aqúı málimdemesinde.</a></p>

- Osy qyzmettegi alǵashqy kúnnen bastap men Ádilet mınıstrliginiń sheshimderine aralaspaıtynymdy aıttym jáne ulymnyń ádiletsiz qýdalanǵanyn baqylap otyrsam da, óz sózimde turdym, - dedi Baıden.

Qyrkúıek aıynda Baıdenniń ózi de, onyń baspasóz hatshysy da ulyna raqymshylyq jasaý týraly jarlyq shyǵarylmaıtynyna sendirdi.

Maýsym aıynda sot 54 jastaǵy Hanter Baıdendi 2018 jyly qarý satyp alý kezinde esirtkige táýeldi ekenin jasyrǵany úshin aıyptady. Kishi Baıden AQSh tarıhyndaǵy qazirgi prezıdenttiń qylmysy úshin sottalǵan tuńǵysh uly boldy. Sodan keıin qyrkúıekte Hanter Baıdenniń ózi salyq tóleýden jaltarǵanyn moıyndady.

Jeksenbi kúni keshke jarııalaǵan málimdemesinde Djo Baıden ulynyń sottary «saıasatpen lastanǵanyn», sol sebepti zańsyz sheshimdermen aıaqtalǵanyn málimdedi.

- Men bul sheshimdi qabyldaǵan kezde, ony keıinge qaldyrýdyń qajeti bolmady. Amerıkalyqtar áke men prezıdenttiń nege mundaı sheshimge kelgenin túsinedi dep úmittenemin, - delingen habarlamada.

Hanter Baıdenge úkim 12 jáne 16 jeltoqsanda shyǵarylady dep josparlanǵan bolatyn. Ekinshi jaǵdaıda, 2016-2019 jyldary 1,4 mıllıon dollar kóleminde salyq tóleýden jaltarǵany úshin ol 15 jylǵa deıin bas bostandyǵynan aıyrylýy múmkin.

Saılaý qarsańynda AQSh prezıdenttigine úmitker Donald Tramp saılaýda jeńiske jetse Baıdenniń ulyna raqymshylyq jasaýy múmkin ekenin aıtqan bolatyn.