Djo Baıden Ortalyq Azııa basshylaryn AQSh-taǵy sammıtke shaqyrdy

ASTANA. QazAqparat – AQSh prezıdenti Djo Baıden Ortalyq Azııa elderi basshylarynyń qatysýymen C5+1 formatynda alǵashqy sammıt ótkizýdi josparlap otyr, dep habarlaıdy QazAqparat newscentralasia-ǵa silteme jasap.

Bul týraly D.Baıdenniń Ózbekstan prezıdenti Shavkat Mırzıeevke jiberilgen hatynda aıtylǵan.

«BUU Bas assambleıasynyń aldaǵy sessııasyn taǵatsyzdana kútip júrmin, onda biz halyqtarymyz ómirindegi anaǵurlym mańyzdy túıitkilder boıynsha progreske jetetin bolamyz», - delingen Uzdaily jarııalaǵan Amerıka prezıdentiniń hatynda.

«C5+1» — bul sheshimder qabyldaýǵa arnalǵan óńirlik platforma. «Plıýs» belgisi Qazaqstan, Qyrǵyzstan, Tájikstan, Túrikmenstan men Ózbekstan úshin arnalǵan.

OA men AQSh basshylarynyń (SA5+1) kezdesýi BUU Bas assambleıasy aıasynda 19 nemese 20 qyrkúıekte ótetini josparlanǵan.

Negizi qalanǵan 2015 jyldan beri C5+1 alańynda AQSh pen Ortalyq Azııa elderi arasyndaǵy dıalog pen yntymaqtastyqty keńeıtý maqsatynda sarapshylar men taqyryptyq jumys toptary kezdesti.

C5+1 jumys toptary ekonomıka, energetıka, qorshaǵan orta jáne qaýipsizdik syndy baǵyttardy ózek etedi.