Djo Baıden 2024 jyly saılaýǵa qatysatynyn málimdedi

NЬıÝ-IORK. QazAqparat – AQSh Prezıdenti Djo Baıden 2024 jyly saılaýǵa túsýge nıetti ekenin málimdedi, biraq naýqan bastalǵansha áli kóp jumys isteý kerektigin atap ótti. Ol juma kúni ABC telearnasyna bergen suhbatynda osyndaı málimdeme jasady, dep habarlaıdy QazAqparat TASS agenttigine siltememen.

Baıdenniń aıtýynsha, ol kelesi prezıdent saılaýyna «qatysýǵa nıetti».

«Alaıda, naýqan bastalmas buryn buǵan deıin bastalǵan kóp jumysty aıaqtaýym kerek», - dep atap ótti ol.

80 jastaǵy demokrattyń oıynsha, onyń jasy saılaýǵa qatysý boıynsha josparyna áser etpeıdi.

«Biraq, adamdardyń meniń jasym týraly suraq qoıýyna negiz bar», - dedi ol.

Djo Baıden memleket basshysy laýazymyna qaıta saılanýǵa qatysý týraly josparymen 2022 jylǵy 9 qarashada bólisken bolatyn, alaıda tolyq sheshimdi osy jyldyń basynda qabyldaıtynyn eskertken.

Aıta ketsek, AQSh-tyń burynǵy prezıdenti, respýblıkalyq Donald Tramp 2024 jyly prezıdent saılaýyna qatysýǵa resmı túrde ótinish bergen edi. Ol saılaý naýqanyn bastap ketti.

Ońtústik Karolına shtatynyń burynǵy respýblıkashyl gýbernatory jáne AQSh-tyń BUU janyndaǵy turaqty ókili bolǵan Nıkkı Heılı de 2024 jylǵy prezıdenttik saılaýǵa túsýge daıyn ekenin málimdedi.