Qytaıdyń Hanchjoý qalasynda ótip jatqan Azııa oıyndarynda djıý-djıtsýdan Nurjan Batyrbekov (69 keli) fınalǵa shyqty, dep habarlaıdy QazAqparat tilshisi.
Qazaqstandyq sportshy jartylaı fınalda 2022 jylǵy álem chempıonatynda kúmis júldeger atanǵan ońtústikkkoreıalyq Cho Son-hendi jeńip ketti.
Oǵan deıin saýd Arabııasynan kelgen Osama Kandıl men tájikstandyq Ramshed Abdýlloevty qapy qaldyryp ketti.
Endi ol fınalda Birikken Arab ámirliginen Mohammed Al-Sývaıdımen kezdesedi.
Atalǵan salmaqta Serik Aldııar jartylaı fınaldyq básekede jeńilip qaldy.
Qazir el quramasy enshisinde 51 medal (5 altyn, 11 kúmis, 35 qola) bar. Medaldar kestesinde 13-orynda tur.
Bul jóninen Qytaı 314 medal alyp, (169 altyn, 94 kúmis, 51 qola) kósh bastaǵan. Odan keıingi oryndar Japonııa (147 medal: 37 altyn, 51 kúmis, 59 qola), Ońtústik Koreıa (146 medal: 33 altyn, 45 kúmis, 68 qola) enshisinde.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.