ASTANA. KAZINFORM — Qazaqstan quramasy djıý-djıtsýdan Iordanııa astanasy Amman qalasynda jastar men eresekter arasynda ótken 9-shy Azııa chempıonatynda top jardy.
Sportty damytý dırektsııasynyń baspasóz qyzmetinen málim etkenindeı, qazaqstandyqtar barlyǵy 74 medal jeńip aldy.
Sary qurlyq dodasynda 27 elden 778 sportshy baq synady.
Jarys nátıjesinde Qazaqstan 21 altyn, 27 kúmis, 26 qola júldemen jalpykomandalyq esepte kósh bastady. Ekinshi orynǵa Taıland komandasy kóterilse, úzdik úshtikti Vetnam túıindedi.
Osylaısha, otandastarymyz Azııa tórindegi tatamıde tabandylyq tanytyp, qaısarlyqpen qarsylas shaq keltirmeı el mereıin ústem etti.
Eske sala keteıik, budan buryn jeńil atletıkadan Azııa chempıonatynda Qazaqstan qorjynyna alǵashqy medal túskenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).