Djennıfer Lopes Ben Afflekpen ajyrasýǵa ótinish berdi

<p>ASTANA. KAZINFORM &ndash; Gollıvýd juldyzdary Djennıfer Lopes pen Ben Afflek eki jyldyq nekeden keıin ajyrasyp jatyr. Bı-bı-sı alǵan sot qujattaryna sáıkes, Lopes seısenbide Los-Andjeles okrýginiń Joǵarǵy sotyna ajyrasý týraly aryz berdi, dep habarlaıdy <a href="https://www.bbc.com/russian/articles/cje2y7yw21vo" target="_blank" rel="noopener">VVS</a>.</p>

Qujattarda 55 jastaǵy ánshi 52 jastaǵy aktermen resmı túrde ajyrasatyn kún - aǵymdaǵy jyldyń 26 sáýiri belgilengen.

Olar 2022 jyldyń shildesinde Las-Vegasta resmı túrde úılendi jáne sol jyldyń 20 tamyzynda Djordjııada úılený toıyn ótkizdi.

BAQ jazǵandaı, Lopes pen Afflek nekeleriniń ekinshi mereıtoıyn 2024 jyldyń 16 shildesinde eki bólek ótkizdi jáne oǵan deıin Beverlı-Hıllzdegi úılerin 65 mln dollarǵa satýǵa qoıdy. Sonymen qatar, baspasóz erli-zaıyptylardyń neke saqınalarynsyz júrgenin baıqaǵan.

Los-Andjeles okrýginiń Joǵarǵy sotyna berilgen qujattarda Lopes pen Afflek bir-birimen qarjylyq aqparatty, sonyń ishinde aǵymdaǵy kirister men shyǵyndaryn, jyljymaıtyn múlik pen qaryzdardy «barlyq qarjylyq máseleler boıynsha túpkilikti kelisimge kelgenge deıin» bólisýi kerek ekenin atap ótedi.

Lopes pen Afflek alǵash ret 2002 jyly «Djıı» fılminiń túsirilim alańynda kezdesti. 2004 jyldyń basynda qarym-qatynasyn úzdi, biraq ony jıyrma jylǵa jýyq ýaqyttan keıin qaıta jalǵastyrdy.

52 jastaǵy Afflek buǵan deıin «Perl-Harbor» fılminiń túsiriliminde tanysqan aktrısa Djennıfer Garnermen nekede bolǵan. Olar 2015 jyly 10 jyl otasqannan keıin ajyrasty, ortaq úsh balasy bar.

Lopes bolsa, tórt ret turmys qurǵan: aldymen daıashy Ohanı Noaǵa, sodan keıin bıshi Krıs Djadqa, sodan keıin ánshi Mark Entonıge (osy nekede olardyń egizderi – uly men qyzy boldy).