Djenındegi Izraıl áskerimen atys kezinde birneshe palestınalyq mert boldy

RAMALLA. QazAqparat – Izraıl qaýipsizdik kúshi Iordan ózeniniń batys jaǵalaýyndaǵy Djenın aýdanynda palestınalyq jasóspirimge oq atyp óltirip, taǵy úsh adamdy jaraqattady, dep habarlaıdy QazAqparat tilshisi WAFA Palestına aqparat agenttigine silteme jasap.

Sársenbi kúni tańerteń Izraıl áskeri Djenınge jáne oǵan jaqyn Kabatııa qalasyna tań ata shabýyl jasap, terrorızmge kúdikti retinde tanylǵan palestınalyqtardy tutqyndamaq bolǵan. Atys kezinde Palestınanyń 20 jastaǵy azamaty qaza tapty.

Sarbazdar 7 sáýir kúni Tel-Avıvtiń barynda oq atyp, úsh adamdy óltirgen palestınalyq Raad Hazemniń úıin qıratý týraly buıryq alǵan.

«Biz terrorıst emespiz. Biz óz jerimizdi, elimizdi, sondaı-aq paıǵambarymyzdyń jolyn qorǵap jatyrmyz», - dedi Hazemniń ákesi Fathı palestınalyq BAQ-qa.

Palestına qaýipsizdik qyzmetiniń burynǵy qyzmetkeri ulynyń lańkestik áreketin birneshe ret maqtaǵan.

Aıta keteıik, bes palestınalyq Djenın aýdanynda ustaldy. Palestınalyq BAQ olardyń birin Asım Abý al-Heıdj dep atady. Ol HAMAS palestınalyq qozǵalysynyń joǵary shendi sheneýniginiń uly, dep habarlaıdy Times of Israel Izraıl áskerılerine silteme jasap.