Djek Ma Qazaqstanǵa medıtsınalyq qorǵanys quraldaryn joldady

ALMATY. QazAqparat - 10 sáýirde Qazaqstannyń Qytaıdaǵy Elshiliginiń qoldaýymen Shıtszıachjýan qalasynan (Hebeı provıntsııasy) «Djek Ma» jáne «Alibaba» qorlarynan medıtsınalyq qorǵanys quraldary Almaty qalasyna jetkizildi, dep habarlaıdy QazAqparat QR SІM baspasóz qyzmetine silteme jasap.

4,5 tonna gýmanıtarlyq júktiń ishinde 500 myń túrli medıtsınalyq maska, 5 myń qorǵanysh kostıým, 50 myń medıtsınalyq qolǵap, sondaı-aq alystan anyqtaıtyn termometrler bar.

Sonymen qatar, aldaǵy kúnderi atalmysh qorlar Qazaqstanǵa SOVID-19 vırýsyn anyqtaıtyn ekspress testilerdi jáne ókpeni jasandy jeldetý apparattaryn jiberýdi josparlap otyr.