Dúısenbige arnalǵan aýa raıy boljamy
00:07, 10 Qazan 2022
ASTANA. QazAqparat - Qazgıdromet 10 qazanǵa arnalǵan aýa raıy boljamyn jarııalady, dep habarlaıdy QazAqparat.
Dúısenbi kúni Qazaqstannyń basym bóligine aýqymdy antıtsıklon áser etedi. Eldiń basym bóliginde jaýyn-shashynsyz aýa raıy kútiledi.
Tek elimizdiń shyǵys aımaktary tsıklon jyrasynyń jáne soǵan baılanysty atmosferalyq fronttardyń yqpalynda bolǵandyqtan, jaýyn-shashyn (jańbyr, qar) jaýady.
Respýblıka boıynsha keı jerlerde jeldiń kúsheıýi, ońtústikte, ońtústik-batysta shańdy daýyl, batysta, soltústikte jáne ortalyqta tuman kútiledi.