Dýshanbege 100 jyl: Tájikstan astanasynda halyqaralyq jartylaı marafon ótedi

<p>ASTANA. KAZINFORM &ndash; Bıyl Tájikstan astanasyna 100 jyl tolady. Qala kúnine oraı elordada 14-shi jartylaı marafon ótedi. Bul týraly Azııa-Plıýs agenttigi habarlady.</p>

Dýshanbe qalasy tóraǵasynyń qaýlysyna sáıkes, 20 sáýirde el astanasy kúnine oraı XIV Dýshanbe halyqaralyq jartylaı marafony ótedi.

Oǵan Qazaqstan, Ózbekstan jáne Efıopııa sportshylary, sondaı-aq Tájikstannan kásipqoı sportshylar qatysady. Jartylaı marafon Halyqaralyq jeńil atletıka qaýymdastyǵynyń (IAAF) kúntizbesine engizilgen.

Jartylaı marafon qashyqtyǵy - 21 shaqyrym 97,5 metrdi quraıdy.

Aldyńǵy, 2023 jyldyń 15 sáýirinde ótken XIII Halyqaralyq jartylaı marafonǵa Eýropa, Amerıka, Afrıka jáne Azııa elderinen Dýshanbe qalasymen saýda-ekonomıkalyq yntymaqtastyq ornatqan baýyrlas qalalardyń sportshylary qatysty.

Esterińizge sala keteıik, birinshi Dýshanbe jartylaı marafony (21 shaqyrym 97,5 m) 2010 jyly ótken bolatyn. Dástúr boıynsha Dýshanbede astana kúni sáýir aıynyń úshinshi senbisinde toılanady.

Aıta ketý kerek, bul kúni Dýshanbede marafonmen qatar basqa da sporttyq jarystar, mádenı-áleýmettik baǵdarlamalar men jarystar ótedi.